Мәзірді көрсету Іздестіру
БАҚ біз туралы

You are here

Бюджеттің атқарылуы

-A A +A

Облыс бюджетінің 2015 жылдың қорытындысы

бойынша атқарылуы туралы

     Облыс бойынша 2015 жылдың қорытындысымен жергілікті бюджетке түсетін салықтар мен басқа да түсімдердің жоспары 110,1%-ға орындалды немесе 9,3 млрд.теңге артық түсті (жоспар – 91 872,9 млн.теңге, нақты түскені – 101 159,4 млн.теңге). Өткен 2014 жылдың осы кезеңімен салыстырғанда бюджетке 22 384,6 млн.теңге қаржы көп түсті. Бұл республика деңгейінде 2-ші көрсеткіш (2015 жылғы 1 қаңтардағы  жағдайға жоспар – 76 106,7 млн.теңге, нақты түскені – 78 774,7 млн.теңге).

     Есепті кезеңге барлық аудан, қалаларда кірістер бойынша жоспар асыра орындалды.

     Жергілікті бюджетке түсетін салықтық түсімдердің жоспары 109,8%-ға орындалып, 8,1 млрд.теңге көп түсті және 2014 жылдың қорытындысымен салыстырғанда 18,2 млрд.теңгеге артты. Оның ішінде жеке табыс салығы 32,4 млрд.теңге көлемінде түсіп 5,9 млрд.теңгеге өскен, ал әлеуметтік салықтан бюджетке 22,3 млрд.теңге түсті, бұл 2014 жылмен салыстырғанда 1,3 млрд.теңгеге көп.

     Мүлікке салынатын салықтар 10,6 млрд.теңгеге артып 21,8 млрд.теңгені құрады.

     Сондай-ақ көлік құралдарына салынатын салық бойынша да түсімдер 2014 жылмен салыстырғанда 468,2 млн.теңгеге артып, 2,7 млрд.теңгені құрады. 

     Акциздер бойынша жоспардағы 6,2 млрд.теңгенің орнына 7,0 млрд.теңге түсіп 113,6%-ға орындалды.

     Кәсіпкерлік және кәсіби қызметті жүргізгені үшін төленетін алымдар 1005,6 млн.теңгені құрады немесе 342,3 млн.теңгеге өскен.

     2015 жылы бюджетке түскен салықтық емес түсімдердің де көлемі едәуір өсті. Нақтылап айтқанда, ішкі істер органдары тарапынан салынған айыппұлдар 2014 жылмен салыстырғанда 934,9 млн.теңгеге артып 2,3 млрд.теңгені,сондай-ақ, өңірдің әлеуметтік-экономикалық дамуы мен оның инфрақұрылымын дамытуға жер қойнауын пайдаланушылардан түскен түсімдер 1,7 млрд.теңгеге көбейіп 1,9 млрд.теңгені құрады.

     Бюджеттің шығыстар бөлігі бойынша жоспардағы 469 593,5 млн.теңгенің 468 625,9 млн.теңгесі игеріліп 99,8%-ды құрады. Бұл республика деңгейіндегі жоғарғы көрсеткіштердің бірі.

     Республикалық бюджеттен бөлінген нысаналы трансферттер мен кредиттер 99,9%-ға игерілді (жоспар – 116 770,7 млн.теңге, игерілуі – 116 683,1 млн.теңге).

     Жалпы игерілмеген қаржы 967,6 млн.теңге. Оның ішінде 332,1 млн.теңгесі облыс әкімдігінің резерв қаржысы және 396,7 млн.теңге үнемделген қаржылар.

     2015 жылы игерілген қаржының негізгі бөлігі, яғни 65,2%-ы немесе 305,5 млрд.теңгесі әлеуметтік салаға (білім беру, денсаулық сақтау, әлеуметтік көмек және әлеуметтік қамсыздандыру, мәдениет, спорт, туризм және ақпараттық кеңістік) бағытталды.

     Атап айтқанда, білім беру саласына 190,2 млрд.теңге көлемінде қаржы жұмсалды.

     «Балапан» бағдарламасы аясында мектепке дейінгі білім беру ұйымдарында мемлекеттік білім беру тапсырыстарын іске асыруға 25,6 млрд.теңге жұмсалды.

     Білім беру нысандарының құрылысына 28,5 млрд.теңгеден астам қаралған қаржы да 100%-ға игерілді.

     Денсаулық сақтау саласын дамытуға бюджет көлемінің 16,0%-ы немесе 74,9 млрд.теңге бағытталды, оның ішінде облыстық бюджет есебінен 3,0 млрд.теңге денсаулық сақтау нысандарының құрылысына жұмсалды.

     Дәрілік заттарды, вакциналарды және басқа да иммунобиологиялық препараттарды сатып алуға республикалық бюджет қаражаты есебінен 5,4 млрд.теңге игерілді.

     Тегін медициналық көмектің кепілдік берілген көлемін қамтамасыз етуге және кеңейтуге республикалық бюджет есебінен 37,2 млрд.теңге жұмсалды.

     Әлеуметтік көмек және әлеуметтік қамсыздандыруға облыс бойынша 16,5 млрд.теңге игерілді. 18 жасқа дейінгі балаларға мемлекеттік жәрдемақылар төлеуге 4,7 млрд.теңге жұмсалды. Жергілікті өкілетті органдардың шешімі бойынша мұқтаж азаматтардың жекелеген топтарына 987,2 млн.теңгеге әлеуметтік көмек көрсетілді.

     Қазақстан Республикасында мүгедектердің құқықтарын қамтамасыз ету және өмір сүру сапасын жақсарту жөніндегі 2012-2018 жылдарға арналған іс-шаралар жоспарын іске асыруға республикалық бюджеттен 295,9 млн.теңге бөлінді, оның ішінде мүгедектерді міндетті гигиеналық құралдармен қамтамасыз етуге 261,1 млн.теңге, «Инватакси» қызметін дамытуға 7,4 млн.теңге және жергілікті телеарналардағы жаңалықтарды сурдоаударма жасауға 27,4 млн.теңге жұмсалды.

     Ауыл шаруашылық саласына бюджеттен бөлінген қаржы 28,9 млрд.теңге болса, ауыл шаруашылығы тауар  өндірушілерді қолдауға 20,0 млрд.теңгеден астам субсидиялар бөлінді.

     Көктемгі егіс және егін жинау жұмыстарын жүргізу үшін қажетті жанар-жағар май және басқа да тауар-материалдық құндылықтарының құнын арзандатуға 5,8 млрд.теңге, ауылшаруашылық тауарларын өндірушілеріне су жеткізіп беру бойынша қызмет құнын субсидиялауға 200,0 млн.теңге, жеміс-жидек дақылдарының және жүзімнің көп жылдық көшеттерін отырғызу және өсіруді қамтамасыз етуге 2,6 млрд.теңге, асыл тұқымды мал шаруашылығын мемлекеттік қолдауға 4,9 млрд.теңге, ауыл шаруашылығы дақылдарын қорғалған топырақта өсіруге 2,5 млрд.теңге, тыңайтқыштар (органикалықтарды қоспағанда) құнын субсидиялауға 2,3 млрд.теңге, тұқым шаруашылығын қолдауға 325,7 млн.теңге, қазақстандық мақта талшығының сапасын сараптауға 362,7 млн.теңге жұмсалды.

     «Бизнестің жол картасы - 2020» бағдарламасы шеңберінде 2015 жылы 8,8 млрд.теңге бөлінді. Оның ішінде екінші деңгейдегі банктерден кредиттер бойынша проценттік ставкаларды субсидиялауға 3,1 млрд.теңге, шағын және орта бизнеске берілген кредиттерді ішінара кепілдендіруге 81,0 млн.теңге, жеке кәсіпкерлікті қолдауға 42,0 млн.теңге жоспарланып толығымен игерілді. Сондай-ақ, осы бағдарлама шеңберінде индустриялық инфрақұрылымды дамытуға 5,5 млрд.теңге, оның ішінде Ұлттық қор есебінен 3,3 млрд.теңге игерілді.

                                          

Мүлікті жария ету

     ОҚО бойынша аудан, қала әкімдіктерінің жанындағы комиссиялармен 2016 жылғы 1 қаңтардағы жағдайға құны  38 млрд. 545 млн.тг. құрайтын 4067 өтініш қабылданған. Осы келіп түскен өтініштерден құны 30 млрд. 660 млн.тг. құрайтын 3424 өтініш бойынша (84,2%) мүліктер заңдастырылған. Оның ішінде құны 19 млрд. 807 млн.тг құрайтын 2775 тұрғын үй нысандары; құны 10 млрд. 297 млн.тг құрайтын 619 коммерциялық нысандар, құны 556 млн.тг құрайтын 30 коммерциялық емес нысандар жария етілді.

     Жекешелендіру

     Жекешелендірудің 2014-2016 жылдарға арналған кешенді жоспарына сәйкес 13 нысан сауда-саттыққа қойылып, 2014-2015 жылдары 10 нысан жалпы құны 523,7 млн.теңгеге сатылды. 

     Қазақстан Республикасы Үкіметінің 2015 жылғы 30 желтоқсандағы «Жекешелендірудің 2016-2020 жылдарға арналған кейбір мәселелері туралы» №1141 қаулысымен ОҚО бойынша 19 ұйымды сауда-саттыққа шығарып бәсекелестік ортаға беру тізімі бекітілген.

 

Жарияланған: 01.03.2016 - 17:08:00
Жаңартылған: 01.03.2016 - 17:12:18
© 2017

Ресми Интернет-ресурс

Оңтүстік Қазақстан облысының әкімдігі