Мәзірді көрсету Іздестіру
БАҚ біз туралы

You are here

Кооперация - ауыл шаруашылығының болашағы

-A A +A

Ауыл шаруашылығы кооперативтері туралы мәлімет

Ауыл шаруашылығын мемлекеттік қолдау шаралары мен кооперативтердің артықшылықтары туралы жыл басынан бері облыстағы аудан, қалаларда 11 рет ауыл шаурашылығы мамандандырылған көшпелі семинар-кеңестер ұйымдастырылды. Семинарда өңір шаруалары ауыл шаруашылығының түрлі бағыттары бойынша, тәжірбиелерін арттырып, шеберліктерін шыңдады. Кооператитверді құру мен несие, субсидия жайында толық мағлұматтар алды. Түсіндірме жұмыстарының арқасында коопертивтер саны біршама артты. Мысалы өткен жылы 242 коопартив болса, бүгінгі таңда олардың саны 473- ке жетті. Бұл кооперативерге 52 мыңнан астам ұсақ шаруа қожалықтары бірікті. Айналысатын бағыттары бойынша, егін шаруашылығы- 196 кооператив , мал шаруашылығы –82, жылыжай-10, ет өндіру-2, сүт өндіру-30, жеміс-көкөніс өнімдерін дайындау-30, құс шаруашылығы-5, балық шаруашылығы –4 және көпсалалы-104 кооператив

Көшпелі семинарлардың арқасында кооперативтерді құрудың жаңа бағыттары мен моделдері айқындалды.

Бірінші – үй шаруашылықтары, фермерлік, шаруа қожалықтарында өндірілген өнімді өткізу кооперативтері. Бұл үлгі шеңберінде сүт қабылдау пунктерін, мал сою пунктерін, мал бордақылау алаңдарын, көкөніс-жеміс өнімдерін дайындау пунктерін, отбасылық жылыжайларды құру жоспарлануда (АШМ-нің индикаторына сәйкес). Екінші – якорлы жобалардың базасында өнімдерді өндіру кооперативтерін құру.

Атап айтқанда, мал бордақылау алаңдары бар 30 жекелеген қосалқы шаруашылықтар біріктіріліп, Қазығұрт ауданы «Қайып ата» ЖШС жанынан 2000 бас малды бордақылайтын "Ханшайым" кооперативі құрылып, жылына өндірілетін 1 мың тонна өнім толығымен экспортқа жөнелтілетін болады.

Осы бағыттағы кооперативтер Қазығұрт, Сайрам, Түлкібас, Ордабасы, Бәйдібек, Созақ аудандарында құрылады.

Сүт өнімділігін арттыру бағытында «Қазына жер ЛТД» ЖШС жанынан 2600 бас ірі қара малды 6 кооператив құрылып, жылына орташа 8 мың тонна сүт өндіру көзделуде.

Бұл бағыттағы кооперативтер Сарыағаш, Төлеби, Сайрам, Түлкібас аудандары мен Арыс, Түркістан қалаларында құрылатын болады.

Құс етін өндіру бағытында «Шымкент құс» ЖШС-і мен қаржы институттарыныңқаржысына Төлеби ауданындағы 20 дан астам шаруа қожалықтарын біріктіріп, кооператив құрып, тәуліктік балапандармен, қажетті құрама жеммен қамтамасыз етіліп, дайын өнімді орталықтан өткізу жүйесі қалыптастырылып, Төле би, Ордабасы аудандары мен Арыс қаласында кооперативтер ұйымдастырылады.

Балық шаруашылығы бойынша «Ақсанат Инжиниринг» ЖШС тәжірибесі негізінде репродукторлық кооператив құрып, шаруашылықтарды қажетті уылдырық пен құрама жеммен қамтамасыз етіп, Шардара, Ордабасы, Түлкібас аудандары мен Түркістан қаласы осы бағытта жұмыс істейтін болады.

Биязы жүнді қой шаруашылығын дамыту мақсатында «Қазығұрт Агро Сервис» ЖШСмаңынан кооператив құрып, Қазығұрт пен Түлкібас аудандарындағы агроаймақтарда биязы жүн өндірісін дамыту көзделіп отыр.

Сонымен қатар, Қазығұрт, Түлкібас, Төлеби, Сайрам аудандарында қарқынды алма, жаңғақ бауларының, Шымкент қаласы мен Сарыағаш ауданында жылыжай кешені кооперативтерін құру көзделуде. «Нәтижелі жұмыспен қамту» бағдарламасы және «ҚазАгро»АҚ ОҚО еншілес мекемелері арқылы кооперативтерді несиелендіру жұмыстары басталды.

Жалпы 2021 жылға дейін облыста 90 мың жеке шаруа қожалықтарынан құралған 600-ден астам кооперативтер құрылатын болады.

 

 
© 2017

Ресми Интернет-ресурс

Оңтүстік Қазақстан облысының әкімдігі