Открыть меню Поиск
СМИ о нас
Официальный Интернет-ресурс

Вы здесь

Ответы на вопросы, поступившие от граждан из районов и городов на отчетной встрече акима Южно-Казахстанской области Ж.К.Туймебаева

-A A +A

 

Арыс қаласы

 

М.Маметов, Арыс қаласы, Жиделі ауылдық округі, Аққала елді мекені тұрғындарының атынан.

СҰРАҚ:

  1. Аққала елді мекені тұрғындарын ауыз сумен қамтамасыз етуге ықпал етуіңізді сұраймыз.

  2. Ауылға ұялы телефон желісі антенін (интернет) орнатылуын қалаймыз.

  3. Ауыл жастары бос уақытында спортпен шұғылдану үшін спорттық алаңша салып, спорттық үйірмелер ашуға көмектессеңіз екен.

  4. Ішкі орамдық жолдарды жөндеп, түнгі жарықтандыру орнатуға ықпал етуіңізді сұраймыз?

 

ЖАУАП:

1. Аққала елді мекені тұрғындарын ауыз сумен қамтамасыз ету бойынша барлық құжаттар түгелденді. Жұмыс 209 млн. теңгеге бағаланып, ЖСҚ дайындалды. 2018 жылы қаржы қаралды. Конкурс жарияланып, ауыз су жүйесінің құрылысы 2018 жылдың екінші жартысында басталады.

2. Ауылға ұялы телефон желісі антенін (интернет) орнату бойынша Шымкент қаласындағы «Белаин центр» орталығымен байланыс орнатылып, жұмыс жүргізілді. Аққала елді мекенінің халық саны – 1 052 адам. Аталған мекеме ҚР Үкіметінің қаулысына сәйкес, халық саны 1000 адамнан асатын елді мекендерге қызмет ұсыну жөнінде өздерінде түзілген кестеге сәйкес жұмыс жүргізіп жатқанын хабарлады. Байланысты тарату антенін орнату 2019 жылға жоспарланып отыр.

3. Аққала елді мекенінде ашық спорт алаңшасының құрылысын жүргізу 2018 жылға жоспарланған. Бұрынғы Аққала жалпы орта мектебінің спорт кешенін күрделі жөндеуден өткізу биылғы жоспарға енген. Құжаттар түгелденуде, ЖСҚ наурыз айында дайын болады. Қазір ауыл жастары Аққала жалпы орта мектебінің жаңа спорт кешенін пайдалануда.

4. Аққала ауылында ішкі орамдық 10 көше бар. Бүгінгі таңға 4 көше орташа жөндеуден өткен. Қалған 6 көшенің 3-уіне 2018 жылы, тағы 3-уіне 2019 жылы орташа жөндеу жұмысы жүргізіледі. Барлық көшеге 2017 жылы ЖСҚ дайындалған.

 

Е.Әбілхайыров, Арыс қаласы, Дермене ауылдық округі, Қаражантақ елді мекенінің тұрғыны:

СҰРАҚ: Жылқымды Қаражантақ ауылының жылқышысы жоғалтып, әлі күнге дейін құнын өтеп бермей отыр.

ЖАУАП:

Арыс қаласы, Дермене ауылдық округі, Қаражантақ елді мекенінің тұрғыны Е.Әбілхайыровтың АІІБ-не жазған арызына сәйкес, 2018 жылы 1 наурызында Усенов Бауыржан Калыкуловичтің үстінен ҚР ҚК 189 бап, 1 бөлімі «Қасақана бөтеннің мүлкін ысырап ету» бойынша №185116031000148 іс қозғалған. Қазіргі таңда тергеу амалдары жүргізілуде.

 

Шымкент қаласы

 

Э.Х.Музапарова, Шымкент қаласы, Өзбек көшесі, 40А үй, 6 пәтер тұрғыны:

СҰРАҚ: Менің кондоминиум мүшесі ретінде, Шымкент қаласы, Өзбек көшесінде орналасқан өз сарайымды қайтарып алуыма бола ма? Қандай мүмкіндіктер және құқығым бар?

ЖАУАП:

Шымкент қаласы, Өзбек көшесі №40А үй аумағындағы орналасқан қосалқы шаруашылыққа арналған нысан сәулет және қала құрылысы бөлімінде есепке алынбаған. Қазіргі таңда анықтау жұмыстары жүргізілуде.

 

К.Т.Рүстемова, Шымкент қаласы, Абай ауданы, Шұғыла шағын ауданы, Нұрлы көш көшесі, 40 үй тұрғыны:

СҰРАҚ: Шұбарсуда тұрған вагонымды қалаға әкеліп беруге жәрдем берсеңіз. 2014 жылы ОҚО әкімінің орынбасары Б.Оспановқа жазған хатымды (82 парақта) толығымен қайтарып беруге ықпал етсеңіз.

ЖАУАП:

1) Шұбарсуда тұрған вагоныңызды қалаға әкелу мәселесі демеушілер есебінен қарастырылатын болады. Сізбен қосымша хабарласып, тасымалдау күні хабарланатын болады.

2) 2014 жылғы 23 мамырдағы Оңтүстік Қазақстан облысы әкімінің орынбасары Б.Оспановтың атына жолданған арызына 2014 жылғы 23 маусымдағы №ЖТ-Р-5743 хатпен жауап берілген (қоса тіркеледі).

 

К.Шамшиметов, Шымкент қаласы, Сайрам тұрғын алабының тұрғыны:

СҰРАҚ: Сайрам тұрғын алабында орналасқан, Сидыхан ата, Тектурмас, Исмаил ата, Б.Садыков, Гүлдік көшелеріне асфальт төселе ме?

ЖАУАП:

Сайрам тұрғын алабында орналасқан, Сидыкхан ата, Тектурмас, Исмаил ата, Б.Садыков көшелеріне орташа жөндеу жұмыстарын атқару мақсатында, сметалық құжаттар әзірленіп, асфальттау жұмыстарына қаржы бөлу үшін ұсыныс енгізілді. 2019 жылы Гүлдік көшесіне сметалық құжаттар әзірлеуге тапсырыс берілетін болады.

 

И.Махамаджанов, Шымкент қаласы, Сайрам тұрғын алабы, Исфиджаб көшесінің тұрғыны.

СҰРАҚ: Сайрам тұрғын алабында орналасқан, Исфиджаб көшесін асфальттау жұмыстары жоспарда бар ма?

 

ЖАУАП: Ағымдағы жылы Сайрам тұрғын алабында орналасқан, Исфиджаб көшесіне сметалық құжаттар әзірлеуге тапсырыс беріледі. Қазіргі таңда, сметалық құжаттар әзірлеуге қаржы қаралып, мемлекеттік сатып алу конкурсы өткізілуде Конкурс жеңімпазы анықталған соң, сметалық құжаттар әзірленетінін хабарлаймыз. Сметалық құжаттар әзірленіп дайын болған соң, 2018 жылдың 2 жартыжылдығында асфальттау жұмыстарына қаржы бөлуге ұсыныс енгізіледі.

 

М.Мирсалиева

Город Шымкент, мкр. Бозарык, ул. Свободы, д.6

ВОПРОС: Прошу Вас помочь мне узаконить и оформить документы на земельный участок, по адресу улица Ихлос, дом 148, в котором расположен дом моего сына?

 

ОТВЕТ: Согласно статьи 43 Земельного кодекса РК, физические и юридические лица, заинтересованные в предоставлении им прав собственности и (или) землепользования на земельные участки, подают заявление в местный исполнительный орган области, города республиканского значения, столицы, района, города областного значения, акиму города районного значения, поселка, села, сельского округа по месту нахождения земельного участка, которые выдают заявителю документ, подтверждающий подачу заявления.

В заявлении должны быть указаны: цель использования земельного участка; его предполагаемые размеры; местоположение; испрашиваемое право пользования; наличие (отсутствие) другого земельного участка.

В связи с этим, Вам необходимо обратиться с заявлением в акимат города Шымкент с приложением правоустанавливающих документов.

 

Ә.С.Айтуреев, Шымкент қаласы, Быковская көшесі, 55 үй, 17 пәтер тұрғыны.

СҰРАҚ: Менің Шымкент қаласы Текстиль қалашығында орналасқан жекеменшік дүкенімнің құжаттарын тұрғын үй ретінде рәсімдеуге көмек сұраймын.

ЖАУАП: Сіздің 06.05.2015 жылғы №14/ЖТ-А-5283 санды үш бөлмелі дүкеннің екі бөлмесін тұрғын үй етіп қайта құрылымдау туралы өтінішіңіздің негізінде Шымкент қаласының сәулет және қала құрылысы бөлімінің қала құрылыстық қорытындысы дайындалған. Аталған қорытындыда бұл нысан Ескі қала аумағының егжей-тегжейлі жоспарлау жобасы бойынша көпқабатты тұрғын үйлер аумағында орналасқан, қызыл орам ішінде деп көрсетілген.

Жоғарыда айтылғанның негізінде өтінішіңіз Шымкент қаласының жер комиссиясының 16.07.2015 жылғы №21 отырысында қаралып, 16.07.2015 жылғы №21/159 санды қорытындысымен жер учаскесі ескі қала аумағының егжей-тегжейлі жоспарлау жобасы бойынша көпқабатты тұрғын үйлер аумағында орналасқан деген ескертпемен бас тартылған. Осыған орай, құжаттар Шымкент қаласының жер комиссиясында қайта қарауға негіз жоқ екендігі туралы 05.02.2018 жылғы №24/5434 санды хатпен хат иесіне жауап берілген.

 

А.Б.Үсембай, Шымкент қаласы, А.Құралов көшесі, 165 үй тұрғыны:

СҰРАҚ: Тәуелсіздік алған 25 жыл ішінде Оңтүстік Қазақстан облысы экономикасының барлық салаларын дамытуға ат салысқан азаматтардың еңбектерін насихаттау мақсатында «100 жаңа есім» жобасы сияқты өңірлік нұсқасын жасауды қолға алсаңыз. «Тәуелсіз Қазақстан Республикасы Оңтүстік Қазақстан облысының еңбек жұлдыздары» деген уақытша стэнд, келешекте арнайы ғимарат беріліп музей ашылса.

ЖАУАП: «Рухани жаңғыру» бағдарламасы аясында тәуелсіздік жылдарында еліміздің дамуына үлес қосқан тұлғалардың нақты тарихынан үлгі ретінде қоғамда жетістікке жету, меритократия қағидаттары, бәсекеге қабілеттілік, прагматизмге бас ұру және білім идеяларын танымал ету мақсатында 2017 жылы «Қазақстанның 100 жаңа есім» жобасы республика бойынша жүргізілді. Аталған арнайы жоба «El.kz» порталында жарияланды. Дауыс беру нәтижесінде Оңтүстік Қазақстан облысынан «Қазақстанның 100 жаңа есіміне» 6 азамат енгізілді.

Қазіргі таңда Қазақстан Республикасы Ақпарат және коммуникациялар министрлігінің «Қазақстандағы 100 жаңа есім» жобасын одан әрі жүзеге асыру жөніндегі жол картасына сәйкес, 2018 жылы жоба жеңімпаздарын елге таныту, насихаттау мақсатында кездесулер, форумдар, мастер-класс сабақтары, телевизялық ток-шоулар, қайырымдылық акциялары, түрлі мәдени-көпшілік, спорттық іс-шаралар өткізу жоспарланып отыр.

Қазақстан Республикасы Ақпарат және коммуникациялар министрлігінің түсіндірмесіне сәйкес, өңірлерде «100 жаңа есім» жобасын жүзеге асыру қажеттігі жоқ, тек республика көлемінде жүзеге асырылатын жоба екендігін мәлімдеді.

Сондай-ақ, 2019-2020 жылдары «100 жаңа есім» жобасы қайта жүзеге асырылатын болады.

 

Э.С.Беспаева, Шымкент қаласы, Рекордный көшесі, 10 үй, 3 пәтер тұрғыны.

СҰРАҚ: Шымкент қаласы Рекордный көшесі,10 үйден «Тұрғын үй құрылыс – жинақ банкісі» арқылы 1 бөлмелі пәтер алдым. Сол үйге баратын жол жоқ, аталған үйге қатынайтын жол салып беруге ықпал етуіңізді сұраймын.

ЖАУАП: Рекордный көшесін орташа жөндеу мақсатында 2018 жылы сметалық құжаттар әзірлеуге тапсырыс беріледі. Қазіргі таңда сметалық құжаттар әзірлеуге қаржы қаралып, мемлекеттік сатып алу конкурсы өткізілуде. Конкурс жеңімпазы анықталған соң, сметалық құжаттар әзірленеді.

 

С. ЖАЗЫҚБАЕВА,

Шымкент қаласы, Еңбекші ауданы, Безделев көшесі, 4 үй, 59 пәтер тұрғыны:

СҰРАҚТАР:

1) Көпбалалы ана ретінде биыл отбасыма тұрғын үй беруіңізді сұраймын.

2) Жаңа туған бір апталық нәрестеме денсаулығыма орай сүт шықпауына байланысты денсаулық сақтау басқармасы арқылы тегін құрғақ сүт қоспасын беруге ықпал етсеңіз.

3) Жұбайым С. Бүлекбаевтың мемлекеттік қызметке жұмысқа орналасуына көмек беруіңізді сұраймын.

4) Шағын несие алып кәсіп ашуға қолдау көрсете аласыз ба?

ЖАУАПТАР:

-- 1) Қазақстан Республикасы «Тұрғын үй қатынастары туралы» Заңының 67-74 баптарына сәйкес мемлекеттік тұрғын үй қорынан тұрғын үй кезек арқылы беріледі.

Сіз мемлекеттік қызметшілер және бюджеттік ұйымдардың қызметкерлері санаты бойынша 27.03.2017 жылдан бастап бүгінгі таңда №15898 болып тіркелгенсіз. Жоғарыда көрсетілген Заң талаптары азаматтарды тұрғын үймен тек кезек ретімен қамтуды көздейді. Сізді кезектен тыс тұрғын үймен қамтамасыз ету заң талаптарына қайшы келетіндіктен, тұрғын жай мәселеңіз кезек ретімен оң шешімін табады.

Қазіргі таңда «Нұрлы жер» тұрғын үй құрылысы бағдарламасы бойынша жергілікті атқарушы органда кезекте тұратын төмендегі санаттарды «Байтерек Девелопмент» АҚ-ы арқылы сатып алу арқылы жалға 18 жылға берілетін тұрғын үймен қамту қарастырылған:

- көпбалалы, толық емес, мүгедек балалары бар немесе тәрбиелеп отырған отбасылар, жетім, ата-анасының қамқорлығынсыз қалған балалар, оралмандар, мемлекеттік, әскери, арнаулы мемлекеттік органдардың, бюджеттік ұйымдардың қызметкерлері, 1 және 2-ші топтағы мүгедектер.

Сонымен қатар, «Самұрық - Қазына» жылжымайтын мүлік қоры» АҚ-ның тұрғын үйі арқылы жергілікті атқарушы органда кезекте тұрған азаматтар жеке меншікке немесе сатып алу арқылы жалға берілетін тұрғын үйлермен қамтамасыз ету мүмкіндіктері бар.

«Самұрық Қазына» жылжымайтын мүлік қоры бойынша тұрғын үйді сатып алу арқылы жалға берілу мерзімі – 5,7,10 және 15 жылға дейін.

Бұл бағыттың талаптарына сәйкес жергілікті атқарушы органда кезекте тұрған төлем қабілеттілігі бар, келесі санатқа жататын азаматтар қатыса алады:

-Ұлы Отан соғысының мүгедектері мен қатысушыларына теңестірілген адамдар, мүгедек балалары бар немесе тәрбиелеп отырған отбасылар, жасына қарай зейнет демалысына шыққан зейнеткерлер, жетім, ата-анасының қамқорлығынсыз қалған балалар, оралмандар, экологиялық зілзалалар, табиғи және техногенді сипаттағы төтенше жағдайлар салдарынан тұрғын үйінен айырылған адамдар, көпбалалы, толық емес отбасылар, мемлекеттік, әскери, арнаулы мемлекеттік органдардың, бюджеттік ұйымдардың қызметкерлері.

Жоғарыда көрсетілген бағыттардың талаптарына сәйкес Сіздің төлем қабілеттілігіңіз жеткілікті болған жағдайда, «Нұрлы жер» тұрғын үй құрылысы бағдарламасы арқылы берілетін тұрғын үйлер бойынша өтініш қабылдау басталғаны туралы хабарлама бұқаралық ақпарат құралдарында берілген күннен бастап өтінімдерді тапсыру мүмкіндігіңіз бар екендігін хабарлаймыз.

2) Қазақстан Республикасы Денсаулық сақтау министрінің 2017 жылғы 29 тамыздағы №666 «Тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесінде азаматтарды, оның ішінде белгілі бір аурулары (жай-күйлері) бар азаматтардың жекелеген санаттарын амбулаториялық деңгейде тегін немесе жеңілдікпен берілетін дәрілік заттармен, медициналық мақсаттағы бұйымдармен және мамандандырылған емдік өнімдермен қамтамасыз етуге арналған дәрілік заттардың және медициналық мақсаттағы бұйымдардың тізбесін бекіту туралы» бұйрығына сәйкес «Біріншілік гипогалактия» диагнозы аралас және жасанды тамақтандыру қоспасына медициналық көрсеткіш болып табылады.

Жазықбаева Сағыныш Амангелдіқызы нәрестесінің «Біріншілік гипогалактия» диагнозын нақтылау үшін 2018 жылы 1 наурызда №8 Шымкент қалалық емханасында эндокринолог дәрігерінің қабылдауында болып, консультация алды. Тегін медициналық көмектің кепілдік берілген көлемі шеңберінде пролактин деңгейін анықтау үшін жолдама берілді. Диагноз нақтыланған жағдайда Жазықбаева Сағыныш Амангелдіқызының нәрестесі №666 бұйрыққа сәйкес жасанды қоспамен қамтамасыз етілетін болады.

3) ҚР «Мемлекеттік әкімшілік лауазымына орналасудың кейбір мәселелері туралы» Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2017 жылғы 21 ақпандағы № 40 бұйрығымен бекітілген «Б» корпусының мемлекеттік әкiмшiлiк лауазымына орналасуға арналған конкурсты өткiзу қағидаларына сәйкес жұбайыңыз С. Булекбаевтың дипломы бойынша мамандығы және жұмыс өтілі аталған қағидалардың талаптарына сәйкес келген жағдайда «Б» корпусы мемлекеттік әкімшілік лауазымдарына орналасу мақсатында жарияланған конкурстарға құжат тапсыруға мүмкіндігі бар.

Сонымен қатар, «Б» корпусының бос мемлекеттік әкімшілік лауазымдарына орналасуға арналған конкурстар туралы хабарландыруды Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының www.kyzmet.gov.kz және Шымкент қаласы әкімдігінің www.shymkent.gov.kz сайттарынан көруге болады.

4) «Бизнестің жол картасы 2020» бизнесті қолдау мен дамытудың бірыңғай бағдарламасы жұмыс істейді. Бағдарламаның негізгі бағыттары:

1) Жаңа бизнес-бастамаларды қолдау;

2) Өңдеу өнеркәсібі саласындағы және экономиканың басым бағыттары бойынша кәсіпкерлерді салалық қолдау;

3) Кәсіпкерлердің валюталық тәуекелдерін төмендету;

4) Кәсіпкерлікті қаржылық емес қолдау.

Бағдарлама аясында өңірлер бойынша негізгі қаржылық агент «Даму» кәсіпкерлікті қолдау қоры болып бекітілген. Сонымен бірге бағдарламаның өңірлік үйлестірушісі болып ОҚО КИИДТ басқармасы бекітілген. Кәсіпкерлікті қолдау бойынша шешімдер Өңірлік үйлестіру кеңесімен қабылданады.

Бағдарлама аясында бүгінгі таңда жобаларды субсидиялау банк тарапынан берілетін несие пайызы 14 пайыздан аспайды.

Сонымен қатар, «Оңтүстік» аймақтық инвестициялық орталығы» ЖШС-і және «ЫРЫС» МҚҰ арқылы шағын несие алып кәсіп ашуға болады.

 

А.Б.ҮСЕМБАЙ, Шымкент қаласы, А.Құралов көшесі, 165 үйдің тұрғыны:

СҰРАҚ:

--Тәуелсіздік алған жылдары облысымыздың бірнеше қалалары мен аудандары Түркияның Бургас, Байбұрт, Коня қалалары мен провинцияларымен бауырлас қалалар атанып жұмыс бастап еді, кейіннен бұл байланыс үзіліп қалды. Түркия елінің басқа да қалаларымен бауырлас болуды қайта жалғастырсақ.

Шымкент қаласында Түркі дүниесімен байланысты жақсарту, өркендету орталығын ашу мәселесін ойластырып көруіңізді сұраймын.

 

ЖАУАП:

--1) Шымкент қаласы бүгінгі таңда әлемнің 9 қаласымен бауырлас қала атанған. Оның ішінде: Түркияның екі -- Эскишехир және Измир қалаларымен бауырлас қалалар ретінде тығыз қарым-қатынас орнатқан. Алдағы уақытта Түркияның өзге де қалаларымен бауырлас қала атану бойынша жұмыстар жалғасатын болатын.

2) Түркі мәдениетінің халықаралық ұйымы (ТҮРКСОЙ) 1993 жылғы 12 шілдеде түркітілдес халықтардың арасындағы рухани байланыстарды жаңғырту мақсатында құрылды.

Бүгінгі таңда ТҮРКСОЙ мүшелері тәуелсіз түркі мемлекеттері: Әзербайжан, Қазақстан, Қырғызстан, Түркіменстан, Түркия және Өзбекстан.

Байқаушылар: Алтай Республикасы (РФ), Башқұртстан (РФ), Гагаузия Автономды Республикасы (Молдова), Хакасия Республикасы (РФ), мойындалмаған Солтүстік Кипр Түрік Республикасы, Саха Республикасы (РФ), Татарстан Республикасы (РФ) және Тыва Республикасы (РФ).

ТҮРКСОЙ штаб-пәтері Анкара қаласында (Түркия) орналасқан. Ұйымның ресми тілдері түрік, ағылшын және орыс тілдері.

ТҮРКСОЙ түркі халықтарының материалдық және материалдық емес мәдени мұраларды қорғау бойынша жұмыс жүргізіп келеді. Атап айтқанда, тарихи және мәдени ескерткіштерді жаңғырту бойынша жұмыстар, фольклор дәстүр және әдет-ғұрыптарды зерттеу, сондай-ақ түркі халықтарының тарихи-мәдени, архитектуралық және археологиялық ескерткіштерді қорғау бойынша жұмыстар жүргізеді.

2016 жылғы 1-2 желтоқсанда ТҮРКСОЙ-ға мүше мемлекеттер Мәдениет министрлерінің 34-ші отырысы, сонымен қатар, «Шеки - Түркі әлемінің 2016 жылғы астанасы» (Әзербайжан) шарасы өткізіліп, оның шеңберінде Түркістан қаласы 2017 жылғы түркі әлемінің астанасы болып таңдалды.

Сонымен қатар, Шымкент қаласында түркі ұлттарын біріктіретін түрік этно- мәдени орталығы бар. Орталық түрік ұлтының мәдениетін, тілін насихаттау бағытында жұмыс жүргізеді. Орталыққа қарасты жексенбілік мектеп қызмет көрсетеді. Орталық өкілдері қаланың әлеуметтік-экономикалық дамуына өз үлестерін қосуда.

 

 

 

Г.ЯРМУХАМЕДОВА, Шымкент қаласы, Нұрсәт м/а, 167 үй, 1 пәтердің тұрғыны:

 

СҰРАҚ:

--Маған Қайнарбұлақ ауылдық округі әкімінің 2007 жылғы 30 мамырдағы №1143 шешімімен жеке тұрғын үй салу үшін «Әсіл-2» ауылы, Жаңақұрылыс көшесі, №73 учаскесін 1000,0 шаршы метржер телімі берілген. Кейіннен 2-3 әкімнің үстінен қылмыстық іс қозғалып, қызметтерінен кетті. Қазіргі таңда бізге әр учаскені көрсетіп, өзіміздің учаскемізді ала алмай жүрмін. Мемлекеттік акт алуға жәрдем берсеңіз.

ЖАУАП:

--Сіз сұраған жер учаскесі жер заңнамаларына сәйкес Сайрам ауданы әкімінің шешімімен берілген. Қала аумағына өтуіне байланысты сәйкестендіру құжаты алынбаған. Бұл ретте, Сіз, «Азаматтарға арналған үкімет» мемлекеттік корпорациясы» КеАҚ ОҚО бойынша филиалы жер кадастры және жылжымайтын мүлікті техникалық тексеру департаменті Шымкент қалалық бөлімшесіне жүгінуіңіз керек екендігін хабарлаймын.

 

З. ЖАҚЫПОВ, зейнеткер:

СҰРАҚТАР:

--Бәйдібек би даңғылы, БАМ аялдамасы жанындағы жаяу жүргіншілер өткеліне өзі басқаратын бағдаршам қойылса.

Айқап (БАМ) шағынауданы қаланың орталық аймағы болып қалды. Көшелерінде жарық жоқ, қараңғы, осы мәселеге назар аударылса.

ЖАУАПТАР:

--1) Жол қозғалыс қауіпсіздігін қамтамасыз ету мақсатында қала әкімдігі тарапынан Бәйдібек би даңғылындағы «БАМ» аялдамасының аумағындағы жаяу жүргіншілер өтпесіне бағдаршам нысанын орнату туралы шешім қабылданып, жұмыс жоспарға енгізілді. Аталған бағдаршам нысаны ағымдағы жылдың қазан айында іске қосылатын болады.

--2) Қала көшелерін жарықтандыруда бірінші кезекте әлеуметтік нысандар (мектеп, емхана, балабақша т.б) орналасқан көшелерді қамту жоспарланған. Осы орайда, «Айқап», «Түркістан» шағынауданы орталық маңызға ие. Мақатаев көшесі және мешіт орналасқан Задарьинская, №1 Әлем балабақшасы орналасқан Жұлдыз көшесі мен №62 Н.Төреқұлов атындағы жалпы орта мектеп жанындағы атауы жоқ көшені жарықтандыру жұмыстарының ЖСҚ-ын әзірлеуге қаржы қаралып, аталған жұмыстарды «JER GROUP» ЖШС-і атқаруда. Құрылыс монтаж жұмыстарын 2018-2019 жылдар аралығында атқару жоспарланып отыр.

 

Т. Райымбеков, Шымкент қаласы.

 

СҰРАҚТАР:

--1) Таскен ауылына 65 бағыттағы автобустың жүруі нашарлап қалды. Көптеген адамдар, оқушылар 44 бағытқа қарай жаяу 1-2 шақырымдай жүруге мәжбүр. Осыны ретке келтіріп берсеңіз.

2) 351 орамға, «Айқап», «Түркістан» шағынаудандарына қатынайтын 21 бағыттағы «ГАЗель» жөнді жүрмейді, қосымша маршрут қарастырсаңыздар.

ЖАУАП:

--1) 65 бағытта тасымалдау қызметін атқаратын «Санжар Моторс» ЖШС-інің басшыларымен жиналыс ұйымдастырылып, бағыттың жұмысын қолданыстағы заңнамалармен келісімшарт ережелеріне сәйкес ұйымдастыру талабы қойылды. Бағыттың жұмысы қатаң бақылауға алынған.

2) 21 шағын автобус бағытында тасымалдау қызметін атқаратын «Санжар Моторс» ЖШС-інің басшыларымен жиналыс ұйымдастырылып, бағыттың жұмысын қолданыстағы заңнамалармен келісімшарт ережелеріне сәйкес ұйымдастыру талабы қойылды. Бағыттың жұмысы қатаң бақылауға алынған.

 

 

 

 

 

 

 

 

Сабира Сабырова, Шымкент қаласы:

СҰРАҚ:

--Шымкент қаласы, Абай ауданына қарасты Ынтымақ -2 тұрғын алабы тұрғындарының атынан мектеп салып беруді сұраймыз.

 

ЖАУАП:

-- Шымкент қаласы, Абай ауданына қарасты Ынтымақ -2 тұрғын алабында 900 орындық мектеп құрылысын салу үшін жер теліміне мемлекеттік акт алынып, жобалау сметалық құжат дайындауға ұсыныс берілді. Жоспар бойынша 2019-2020 жылдары мектеп құрылысы жүргізіледі.

 

Ж.Намазбеков, Шымкент қаласы, Бозарық 1,2,3 елді мекенінің орам басшысы:

 

СҰРАҚ:

-- Шымкент қаласындағы Бозарық 1,2,3 елді мекенінде орналасқан көшелерге асфальт жол салына ма?

 

ЖАУАП:

--Шымкент қаласы, Бозарық шағын ауданының атауы жоқ көшесіне орташа жөндеу жұмыстары үшін қаржы қаралды. Жөндеу жұмыстары бекітілген жұмыс кестесіне сәйкес, 2018 жылдың сәуір-маусым айларында атқарылатын болады. Оған қоса, атауы жоқ 2 көшені орташа жөндеуге сметалық есептер дайындалып, топырақ жолдарға тас төсеуге бюджеттен қаржы бөлдіруге ұсыныс енгізілді.

Сонымен қатар Бозарық 1,2,3 шағын аудандарының қалған көшелерінде орташа жөндеу жұмыстарын атқару мақсатында, 2019 жылы сметалық құжаттар әзірлеуге тапсырыс беріледі. Құжаттар дайын болған соң, асфальттауға қаржы бөлуге ұсыныс енгізілетін болады.

 

Г.Гусенова, город Шымкент, ж/м Сайрам, улица Ташкентская-Айбека-3:

 

ВОПРОСЫ:

1) Просим пустить по улице Тауке хана дополнительные автобусы, где находятся три высших учебных заведений ЮКГУ им. М.Ауезова, педагогический институт и колледжи, наши дети добираются на 2-х автобусах по пересадке?

2) Просим пустить автобус по улице Октября где находится новая клиника «Хаят», мы жители добираемся на попутках.

3) Вообще наше мнение, надо убрать газели с городских маршрутов и заменить их на автобусы.

4) Можно ли сделать проезд по 50 тенге?

5) Маршрут «39-а» не соблюдает график, пассажиры с ж/м Отемис и Шапырашты остались без транспорта, добираются только на такси.

6) Почему в городе с транспортом становится все хуже и хуже?

 

ОТВЕТЫ:

1) В настоящее время по проспекту Тауке хана курсирует порядка 20 маршрутов, охватывающих различные районы города. Кроме того, по проспекту Тауке хана планируется организация дополнительно одного социально-значимого автобусного маршрута (№142).

2) По улице Ал-Фараби оказывает услуги маршрут №140, который проезжает возле клиники «Хаят». В данное время, из-за низкого пассажиропотока не представляется возможным организация дополнительного маршрута через клинику «Хаят».

3) На сегодня в городе действует 24 микроавтобусных маршрута. Организация маршрутов в общественном транспорте производится в зависимости от пропускной способности улиц и низкого пассажиропотока. По этой причине замена микроавтобусов на автобусы будет производиться поэтапно, с учетом пропускной способности дорог и пассажиропотока.

4) Тариф на городских маршрутах утверждается в соответствии с «Методикой расчета тарифов на оказание услуг по перевозке пассажиров и багажа по регулярным маршрутам», утвержденной приказом Министра транспорта и коммуникаций Республики Казахстан №614 от 13.10.2011г. Последний раз единый тариф на городских маршрутах был утвержден в 2016 году и составляет 70 тенге. В связи с ростом цен на горюче-смазочные материалы и запасные части автотранспорта пересмотр тарифа за проезд в ближайшее время рассматриваться не будет.

5) Маршрут №39а оказывает услуги пассажирам в соответствии с утвержденным графиком движения. Жителям микрорайонов «Отемис» и «Шапырашты» ранее оказывал услуги маршрут №140. В данное время, по просьбе жителей и Каратауского районного акимата маршрут №140 разделен на три маршрута: №140 маршрут оказывает услуги между микрорайоном «Сайрам» и центральной частью города, №140а маршрут оказывает услуги в микрорайонах «Сайрам» и «Отемис», №140б маршрут оказывает услуги между микрорайонами «Сайрам» и «Шапырашты». Кроме того, планируется организация работы одного социально-значимого маршрута через микрорайоны «Отемис», «Шапырашты», «Сайрам».

6) Акиматом города Шымкент проводится постоянная работа по повышению качества общественного транспорта. В целях улучшения работы общественного транспорта, привлечения инвесторов и приобретения новых, современных автобусов, для внедрения электронно - билетной системы на маршрутах города, в конце января 2018 года в г.Шымкенте был организован международный форум. В нем приняли участие отечественные и иностранные производители автобусов.

Также планируется организация конкурсов по 10-ти социально-значимым маршрутам, охватывающим окраины города, и субсидирование их за счет бюджета.

Кроме этого, в городе проводятся регулярные совместные рейдовые мероприятия по контролю за работой общественного транспорта. Так, в 2017 году за различные нарушения были расторгнуты договора по 10 маршрутам.

 

А.Түлешов, Шымкент қаласы, Ақжайық ы/а, 64 үй:

СҰРАҚ:

Ақжайық шағын ауданында орналасқан көшелердің жолын асфальттауды, кәріз жүйесін жүргізуді, көшелерді жарықтандыруды, «Сырым Батыр» көшесін кеңейтуді, біздің шағын ауданды «Қаратау» ауданына қосуды сұраймыз.

 

ЖАУАП:

--Кәріз мәселесі: Шымкент қаласындағы Қайтпас-2 шағын ауданын орталықтандырылған кәріз жүйесімен қамтамасыз ету мақсатында, мердігер мекеме «Энергоэкспорт» ЖШС-і тарапынан өндірістік кестеге сәйкес құрылыс монтаж жұмыстары жүргізілуде. Жоспар бойынша нысанның аяқталу мерзімі 2018 жылдың соңы.

Сіздің өтінішіңіздің негізінде, қала әкімдігінің тиісті бөлім мамандары тарапынан зерделеу жұмыстары жүргізіліп, «Қайтпас-2» шағын ауданы атауы жоқ көшесі бойында орналасқан тұрғын үйлерді кәріз жүйесімен қамтамасыз ету жоғарыда көрсетілген нысанның жұмыс жобасына енбегендігі анықталды. Осыған сәйкес, атауы жоқ көшеге кәріз жүйесін жүргізу құрылыс жұмыстарының келесі кезеңімен атқарылатын болады.

Жарықтандыру: Сонымен қатар, қала көшелерін жарықтандыруда бірінші кезекте шағын аудандардың орталық маңызға ие әлеуметтік нысандар орналасқан көшелерін қамту жоспарланған. Осы орайда, үстіміздегі жылы жоғарыда аталған талаптарға сай келетін А.Қаламбаев көшесін жарықтандыру жұмыстарының ЖСҚ әзірленуде. Құрылыс-монтаж жұмыстарын 2019 жылы атқару жоспарланған.

Көшелерді асфальтау мәселесі: Ақжайық шағын ауданындағы Қосай баба, Айдапкелов, Ақшағала, Өмірзақ, Шулменов, Қарабура, Арипов, Қозыбай, Ақжүніс, Балқарағай, Байыспай, Шойман қажы, Мыңбаев, Естай акын, №5, №9 атауы жоқ көшелер және Ардагерлер көшесі съездерімен, №6 атауы жоқ көше А-2 тас жолына шығатын, №7 атауы жоқ балабақшаға баратын көшелерге күрделі жөндеу жұмыстарына қаржы қаралды. Алайда, 2018 Ақжайық шағын ауданындағы жоғарыда аталған көшелерге кәріз жүйесін үйлерге қосу жұмыстарын жүргізу жоспарлануына байланысты, көшелерді күрделі жөндеу жұмыстарын 2019 жылы аяқтау жоспарлануда. Сырым батыр көшесін кеңейтуге 2020 жылы жобалық сметалық құжаттама дайындау жоспарлануда.

Шағын аудан шекарасын өзгерту туралы: Шымкент қаласы әкімдігінің 2014 жылғы 7 қазандағы №2143 қаулысы және Шымкент қалалық мәслихатының 2014 жылдың 7 қазандағы №41/283-5с шешіміне сәйкес, Шымкент қаласында төртінші ауданды құру және қала аудандарының шекараларын белгілеу туралы қаулысымен шекаралары белгіленген. Шекараны белгілеу барысында халық тығыздылығы ескеріле отырып сызбасы әзірленген. Осыған байланысты, қаулының қосымшасындағы қаланың 4 ауданға бөлген картасына сәйкес, аталған жылжымайтын мүліктер Әл-Фараби ауданының аумағына кіретін болып бекітілген.

 

Ә.С.Айтуреев, Шымкент қаласы, Быковская көшесі, 55 үй, 17 пәтер

СҰРАҚТАР:

1. №65, 17б, 14, 68, 121 автобус маршруттарының соңғы аялдамасы «Жансая» дүкенінің қасындағы аялдамаға ауыстырылса?

2. №4 емхананың бірінші корпусына дейін №14, 121 бағыттағы шағын автобустар «Денсаулық» санаторийі арқылы жүрсе екен.

 

ЖАУАПТАР:

№121, №68, №14, №65, №17б шағын автобус және автобус бағыттарының қозғалыс сызбаларында соңғы аялдамалары перзетхана боп бекітілген.

Қазақстан Республикасы Инвестициялар және даму министірінің м.а. 2015 жылғы 26 наурыздағы № 349 бұйрығымен бекітілген «Жолаушыларды және багажды автомобиль көлігімен тасымалдау ережесінің» 25 тармағының талаптарына сәйкес, аялдамалардың арақашықтығы 400-800 метр болуы тиіс. Ал, Сіздер сұрап жатқан «Жансая» дүкенінің қасындағы ескі аялдама соңғы «Перзентхана» аялдамасынан 300 метр қашықта орналасқан.

Сонымен қатар, аталған бағыттарда қызмет көрсететін мекемелердің басшыларына, казіргі соңғы аялдамаға жетпей, онға қарай бұрылып, «Жансая» дүкені арқылы «Перзентхана» аялдамасына бағыттарды жүргізу ұсынылды. Аталған бағыттардың қозғалыс сызбасына өзгеріс енгізу мәселесі бағыттардың жолаушылар ағымын есептеу нәтижесінде қаралады.

 

 

 

 

 

Д.Сайдакбаров, «Ақжол-Агро-1» АӨК:

СҰРАҚ:

--Ауылшаруашылық кооперативтері ауыл шаруашылығы тракторларын кепілсіз алу мүмкіндігі бар ма? Егер болса, онда бұл бағдарлама қай қаржылық ұйым арқылы іске асырылады?

 

ЖАУАП:

--Қазіргі таңда ауыл шаруашылығы кооперативтерінің атынан кепілсіз ауыл шаруашылығы техникаларын алу мүмкіндігі қарастырылмаған. Алайда, кооператив мүлкін кепілге қоя отырып, қажетті техникаларды «ҚазАгроҚаржы» АҚ, «Оңтүстік» АИО» ЖШС-і (мекен-жайы: Шымкент қ. Бәйдібек би көш.) және «Аграрлық несие корпорациясы» АҚ-ы арқылы (мекен-жайы: Шымкент қ. Ерімбетов көш.) төмендетілген несие пайызбен рәсімдеп алуға болады.

 

Бәйдібек ауданы

 

И.Бегәлі, Шымкент қаласы, Бозарық шағынауданы:

 

СҰРАҚ:

-«Сырымды саған, айтам, Қожа» кітабы аясында «Ұрпақ тәрбиесі-ұлт тағдыры» тақырыбымен өзім туып өскен Бәйдібек ауданының білім ордаларында жастармен кездесу өткізуге аудан әкімдігіне тапсырма берсеңіз.

 

ЖАУАП:

-Бәйдібек ауданының құрметті азаматы, жазушы Иманәлі Бегәлі Әбдуәліұлының «Сырымды саған, айтам, Қожа» кітабы аясында «Ұрпақ тәрбиесі-ұлт тағдыры» тақырыбымен өтетін кездесулер ағымдағы жылдың сәуір айына жоспарланды.

 

А.Досболов, ауыл биі:

 

СҰРАҚТАР:

-Бәйдібек ауданы, Ағыбет ауыл округіне қарасты Алғабас елді мекенінде орналасқан электр бағаналары 50 жылдан бері ауыспай, шіріп апатты жағдайда тұр.

-Ауыл трансформаторы өртеніп, автоматы істен шығып тұр. 100-ден астам үйге жарық тарататын трансформатордың жаны қоршалмаған, құлыптанбаған, ешқандай қауіпсіздік шаралары қолданылмаған.

-Ауылға таза ауыз су және газ кірмеген, асфальт жол салынбаған.

Осы аталған мәселелердің оңды шешілуіне ықпал жасауыңызды сұраймыз.

 

ЖАУАПТАР:

-«Оңтүстік Жарық Транзит» ЖШС-нің 2017-2022 жылдарға арналған инвестициялық жоспарына сәйкес, Алғабас ауылындағы тозған электр бағаналары мен желілері 2018-2021 жылдары күрделі жөндеуден өткізіледі.

-Алғабас елді мекеніндегі орналасқан (КТП-10/0,4 кВ) трансформатор подстанциясында автоматтар мен коммутациялық сымдар ағымдағы жылдың қаңтар айында ауыстырылып, есіктеріне құлып салынған. Трансформатор подстанциясы темір бетон бағаналарына орнатылып, ережеге сай биікте орнатылғандықтан қоршалмаған.

-Ағымдағы жылы Ағыбет ауылдық округіне қарасты Алғабас елді мекенінің жалпы ұзындығы 3,3 шақырымды құрайтын Қаратау көшесіне орта жөндеу жұмыстарын жүргізу үшін субвенция есебінен 57 718 мың теңге қаржы қаралып отыр. Орта жөндеу жұмыстары ағымдағы жылы жүргізіліп, пайдалануға берілетін болады.

Сонымен қатар, 2017 жылы аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімі тарапынан арнайы қаржыға жоғарыда аталған Алғабас елді мекенінің Қарабастау (ұзындығы-0,9 шақырым, жалпы сметалық құны – 15 864 мың теңге ) және Қожабекбұлағы (ұзындығы-1,2 шақырым, жалпы сметалық құны – 20 477,2 мың теңге) көшелеріне сметалық құжаттама әзірленді. Аталған сметалық құжаттамалар алдағы уақытта тиісті салалық бөлімдерге немесе басқармаларға қаржыландырылуға ұсынылатын болады.

Ағымдағы жылы облыстық жолаушылар көлігі және автомобиль жолдары басқармасы тарапынан Алғабас елді мекеніне баратын облыстық маңызы бар КХ-5 «Шаян-Ағыбет-Шақпақ» автомобиль жолы (47,7 шақырым, жалпы сметалық құны 996 855 мың теңге) орта жөндеуден өткізілетін болады.

-2016-2017 жылдары аралығында «ОҚО Бәйдібек ауданы Ағыбет ауылдық округінің Алғабас елді мекенінде су құбырлары желілерін салу» нысаны бойынша жобалау сметалық құжаттамасы әзірленіп, 2018 жылға құжаттары облыстық энергетика және тұрғын үй-коммуналдық шаруашылық басқармасына қаржыландыруға ұсынылды. Нысанның жалпы сметалық құны 208 671,0 мың теңгені құрайды.

-Ауданның 2017-2021 жылдарға арналған әлеуметтік-экономикалық даму концепциясына сәйкес, Ағыбет ауылдық округіне қарасты Алғабас елді мекенін газдандыру жұмыстары 2019-2021 жылдары аралығында жүргізілетін болады. Атап айтқанда, 2019 жылы елді мекенді газдандыру бойынша жобалау сметалық құжаттамасы әзірленіп, 2020-2021 жылдары аралығында құрылыс жұмыстары жүргізіледі.

 

Қазығұрт ауданы

 

Е.Абдуллаев, Қазығұрт ауданы, Тұрбат ауылдық округі, Өндіріс елді мекені:

СҰРАҚ:

-Тұрбат ауылдық округіне қарасты, Өндіріс елді мекеніне осыдан 3-4 жыл бұрын ауылдың орталығына дейін газ құбыры тартылған. Алайда, құрылыс аяқсыз қалып осы күнге дейін газ келген жоқ. Осыған орай, Сізден ауылға газ құбырын тарту жұмыстарын толық аяқтауды, жолдарды жөндеуге және түнгі жарықтандыруды орнатуға ықпал етуіңізді сұраймыз.

ЖАУАП:

-Тұрбат ауыл округіне қарасты Өндіріс елді мекенінде табиғи газ құрылыс жұмыстары аяқталған. Қазіргі күнде табиғи газды қосу үшін ақауларды жөндеу жұмыстары жүргізілуде. Табиғи газ қосу үшін атқарушылық техникалық құжаттары «ҚазТрансГаз Аймақ» АҚ-ға тапсырылды. Табиғи газ 2018 жыл қазан айында қосылатын болады.

Тұрбат ауыл округіне қарасты Өндіріс елді мекенін жолдарының ішкі көшелерін орта жөндеу жұмыстарына сметалық есептер жасалынған. Орта жөндеу жұмыстарын 2019-2020 жылдары жүргізу жоспарланған.

Түнгі жарықтандыру жұмыстары 2020 жылға жоспарланған.

 

С.Тастанов, Қазығұрт ауданы, Жігерген ауылдық округі, Айнатас ауылы, «Қазыбек Агро» кооперативінің төрағасы:

 

СҰРАҚ:

-«Қазыбек Агро» кооперативінің мүшелері 2017 жылы ірі қара мал бордақылау бағытымен ет өндіру мақсатында Қазығұрт ауданы ауыл шаруашылығын қаржылай қолдау қорына керекті құжаттарды тапсырдық. Алайда, бүгінгі күнге дейін ешқандай көмек көрсетілген жоқ. Осыған орай, «Қазыбек Агро» кооперативіне қаржы бөлуге көмек берілуін сұранамыз.

 

ЖАУАП:

-«Ауыл шаруашылығын қаржылай қолдау қоры» АҚ-ның 2018 жылы 22 ақпандағы №ШҚ-23-15/11-03/20/940 санды хатында «Қазыбек –Агро» ауыл шаруашылығы кооперативінің және мүшелерінің атынан қаржыландыруға өтінім арызы түспегендігін хабарлаған.

Алдағы уақытта Қазақстан Республикасының «Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасы» шеңберінде кәсіпкерлікті және ауыл шаруашылығын дамыту мақсатында бюджеттік кредит қаражатын ұсыну қорға бекітілген. «Береке» бағдарламасы - мал бордақылауға, «Игілік» бағдарламасы – мал басын көбейтуге, «Кәсіпкер» бағдарламасы – кәсіпкерлік қызметін дамытуға кредит беру қарастырылған. Аталған бағдарлама аясында бюджеттен қорға қаржы бөлінсе, несие алуға толық мүмкіншілігі бар.

 

Отырар ауданы

 

А.Рысқұлова, Отырар ауданы, Көксарай ауыл округі:

 

СҰРАҚ:

-Биыл Шәуілдір, Темір ауылдарын газдандыру жұмыстары басталайын деп жатыр, Отырар ауданының қалған елді мекендеріне газ мәселесін шешуге жәрдем ете аласыз ба?

 

ЖАУАП:

-Отырар ауданында 13 ауыл округі, 38 елді мекен бар. Оның ішінде:

2017 жылы құрылысы аяқталған №17 АГТС арқылы 26 елді мекен, Арыс (Аққала елді мекені) ауданы арқылы 12 елді мекен табиғи газбен қамтылатын болады.

22 елді мекенді газдандыру жұмыстары төмендегідей:

- Аудандық тұрғын үй-коммуналдық шаруашылық, жолаушылар көлігі және автомобиль жолдары бөлімі тарапынан Шәуілдір, Темір елді мекендерінің газдандыру жұмыстары бойынша мемлекеттік сатып алу конкурсының жеңімпазы «Көкше строй плюс» ЖШС-і және техникалық қадағалаушы «Банур-1» ЖШС-і (Темір елді мекені бойынша), «АТАКАМА» ЖШС-і (Шәуілдір елді мекені бойынша) өкілдері мен басшыларына келісімшартта көрсетілгендей, жұмыс кестесіне сай, құрылыс жұмыстары басталған.

- Жобалық сметалық құжаттарға мемлекеттік сараптама қорытындысын алып, бюджетке ұсынылған елді мекен -2 (Ш.Қалдаяқов, Қостүйін);

- Сараптама қорытындысы 02.02.2018 жылы және 16.01.2018 жылы алынған және бюджетке ұсынылатын елді мекен - 4 (Сарыкөл, Сырдария, Көкмардан, Шытты);

- Мемлекеттік сараптамадан жобалық сметалық құжаттары өтіп жатқан 12 елді мекен;

-Жобалық сметалық құжаттары әзірленіп жатқан 2 елді мекен (Арыс, Шойманов).

Қазіргі таңда, Ақтөбе, Жаңа Шілік, Ескі Шілік елді мекендерінің ЖСҚ сараптама қорытындысын 26.02.2018 жылы алу, Қарақоңыр, Бестораңғыл, Арыс (Ақтам) елді мекендерінің ЖСҚ сараптама қорытындысын 15.03.2018 жылы алу, Отырар, Қарғалы, Ынталы, Қоғам, Талапты, Мыңшұқыр елді мекендерінің ЖСҚ сараптама қорытындысын 30.03.2018 жылы алу жұмыстары жүргізілуде.

Сонымен қатар, облыстық энергетика және тұрғын үй-коммуналдық шаруашылық басқармасына 12 елді мекеннің (Аққұм, Көксарай, Жанкел, Ызакөл, Шеңгелді, Маяқұм, Қостерек, Бестам, Балтакөл, Көлқұдық, Ақкөл, Үштам) сәулет жоспарлау тапсырмалары (АПЗ) дайындалып, облыстық бюджеттен жобалық сметалық құжаттар дайындауға ұсынылды.

 

Н.Рысбергенов, «Нұр» шаруа қожалығының төрағасы.

 

СҰРАҚ:

-Отырар ауданындағы өзекті мәселелердің бірі--жаз айларындағы ағын су тапшылығы, жер асты су деңгейінің көтеріліп, жердің тұздануы. Сондықтан Арыс өзенінің суын қалыпты деңгейде ұстап, Шәуілдір суару алқабындағы бас коллектор мен ішкі көлденең дренаж жүйесін тазалау қажет. Ақын-Жақып каналы қашан іске қосылады, осы мәселені шешуге көмек берілсе екен?

 

ЖАУАП:

-ҚР Ауыл шаруашылығы министрлігінің Су ресустары комитеті «Отырар ауданындағы Көксарай контрреттегішінің бұрама каналында сорғы станциясын орналастырумен Шәуілдір қоректендіру каналын қайта жаңғырту, Отырар ауданы Шәуілдір алқабының ішкі коллекторлық-дренажды желілерін қайта жаңғырту» жобасының мемлекеттік сараптама қорытындысына сәйкес іске асыру құны 8095,6 млн теңгеге бағаланғанын хабарлайды. Қазіргі таңда ҚР Қаржы министрлігі мен Еуропалық Қайта Құру және Даму банкі арасында мемлекеттік кепілдік келісімге 2017 жылғы 10 мамырда қол қойылған. ҚР Ауыл шаруашылығы министрлігінің Су ресурстары комитетінен келісімге қол қойылғаны жөнінде 06.12.2017 жылғы №18-5-20/3195 хаты алынған.

 

 

 

 

А.Науанова, Отырар ауданы, Шәуілдір ауылы.

 

СҰРАҚ:

-Аудандық мекемелер мен көпқабатты тұрғын үйлерді орталықтандырылған жылу жүйесіне қосып берсеңіздер екен?

 

ЖАУАП:

-Құны 704,0 млн. теңге болатын «Шәуілдір ауылындағы орталықтандырылған жылу жүйелерін қайта құру» жұмыс жобасының, сонымен бірге, құны 233,0 млн. теңгелік жылу қазандығы құрылысының ЖСҚ-лары дайын, мемлекеттік сараптамадан өткен. 2018 жылғы облыстық бюджетті нақтылау барысында қаралатын болады.

 

М.Сиддиков, Сайрам ауданы мәслихатының депутаты.

 

СҰРАҚ:

-Сайрам ауданы, Қарабұлақ ауыл округіне жаңа мектеп ғимаратын салуға 2018 жылы бюджеттен қаржы бөлуге ықпал етуіңізді сұраймын.

 

ЖАУАП:

-Мектеп үш ауысымға өтуіне байланысты аудандық бюджет есебінен ЖСҚ-мен сараптама жұмыстарына 20 498,6 мың теңге қаралған. Қазіргі таңда 600 оқушы орындық ЖОМ-нің құрылысы нысанның жобалау-сметалық құжаттары әзірленіп сараптамадан өту үстінде. Сараптама жұмыстарын 31.01.2018 жылға дейін аяқтау, 05.02.2018 жылға дейін бюджеттік өтінімдерді ұсыну жоспарланған. Нысанның болжамдық құны--1 252 416,0 мың теңге.

 

Ғ.Раимкулов, Сайрам ауданы мәслихатының депутаты.

 

СҰРАҚ:

-Сайрам ауданы, Манкент ауылдық округі, Аққала елді мекеніне баратын аудандық маңызы бар жолды күрделі жөндеуден өткізуге бюджеттен қаржы бөлуге ықпал етесіз бе?

 

ЖАУАП:

-Манкент ауылдық округі Аққала ауылына кіре берістегі аудандық маңызы бар KXSR-11 «КХ-3 Көксәйек-Шаян-Аққала-Сарқырама» автомобиль жолының 5,3 шақырымының күрделі жөндеу жұмыстарын жүргізуге 2018 жылы аудандық бюджет есебінен 166 574,0 мың теңге қаржы қарастырылды. Ағымдағы жылға жолдың құрылыс жұмыстарын жүргізу жоспарланған.

 

Сарыағаш ауданы, Абай ауылы, №73 Ө.Жәнібеков атындағы мектеп-гимназиясы ұжымы.

 

СҰРАҚ:

-Біз, 220 адамнан тұратын ұжым мектеп директоры оқу ісінің орынбасары А.П.Тұрбекованың жұмысқа қайтып келуіне қарсымыз.

 

ЖАУАП:

-2018 жылдың 26 ақпан күні Сарыағаш ауданының №2 Соты №73 Ө.Жәнібеков атындағы мектеп-гимназиясы директорының оқу ісі жөніндегі орынбасары қызметін атқарған азаматша А.П.Тұрбекованың арызын қарап, №73 Ө.Жәнібеков атындағы мектеп-гимназиясы директорының 26.10.2017 жылғы ҚР Еңбек кодексінің 64 бап, 1-тармақ, 3-тармақшасына сәйкес «қатаң сөгіс» түріндегі тәртіптік шарасының және 28.10.2017 жылғы «Лауазымдық қызметтен босату» туралы №350 бұйрығының күшін жою туралы шешім шығарған. Қазақстан Республикасы заңдарына сәйкес сот шешімі өз күшіне енгеннен соң орындалуға міндетті. Мектеп ұжымы арасындағы моральдық-психологиялық ахуалды түзету үшін аудан әкімінің шешіміне сәйкес аудан әкімінің орынбасары Қ.Қыстаубаев, аудан әкімі аппаратының және ауданның білім бөлімі қызметкерлері екі рет арнайы жиын өткізді.

 

Ж.Айтбаев, зейнеткер, Түлкібас ауданы.

 

СҰРАҚ:

-Есеп беру жиналысында облысымызда 26 су қоймасының салынатынын айттыңыз. Сол су қоймаларында еңбек ететін мамандар жоқтың қасы. 1967 жылдан бастап осы мамандықты даярлап келген Түлкібас агробизнес және саяхат колледжі еді. Бірақ 1993 жылдан бері бұл мамадықты даярлау тоқтап қалды. Осыған орай, осы жылдан бастап әр жылы осы мамандық бойынша талапкерлерді қабылдауды қолға алуға қолұшын берсеңіз?

 

ЖАУАП:

-1963 жылы Қазақстан Коммунистік Партиясы Орталық комитетінің және Министрлер Кеңесінің 19-шы шілдедегі №571 қаулысына сәйкес, ҚазССР ауыл шаруашылық Министрлігінің №164 бұйырығы бойынша, ауыл шаруашылығы училищесінің негізінде «Ванновка ауыл шаруашылығы механикаландыру техникумы» құрылған. Техникум құрамында үш бөлім ашылған - «Ауыл шаруашылығын механикаландыру», «Гидромелиорация», «Гидромелиоративтік жұмыстарын механикаландыру». «Гидромелиоративтік жұмыстарын механикаландыру» бөлімі 1970 жылы жеке бөлім болып құрылды. Содан бері колледж су шаруашылығы мамандарын даярлап келеді. «Білім және ғылым министрінің 2016 жылғы 22 қаңтардағы №65 бұйрығымен бекітілген техникалық және кәсіптік, орта білімнен кейінгі білім үшін оқыту мерзімдері және білім беру деңгейлері бойынша кәсіптер мен мамандықтардың тізбесін бекіту туралы» ережесіне сәйкес, «Гидромелиорация» мамандығы - «Экология және табиғатты қорғау қызметі» болып атауы өзгертілген. Қазіргі таңда «техник-гидромелиоратор» біліктілігі бойынша мамандар даярлануда.

 

 

 

 

Размещено: 02.03.2017 - 14:41:40
Обновлено: 19.03.2018 - 10:12:55
© 2018

Официальный Интернет-ресурс

Акимат Туркестанской области